AYchan.com

我讀係為o左佢個co-op，今日我得到了。

話說o係學校模擬面試時我真係緊張到不得了… 點知真正面試時都冇咩緊張既感覺… (不過我通常都係真正果一下發揮得好d… 大概因為我懶，根本唔準備)… 面試當日比預定時間遲左出門口，不過總算準時(即早10分鐘)到達… 面試第一件事當然係想知我前幾年究竟做左d乜，呢樣我估每次面試都會問架喇(唉)… 半個鐘完畢… 面試之後回心一諗，我以為今次會衰(咁就會成為人生第一次見唔成工)，因為面試中段之後，見我果兩個人好似冇再做筆記(！)…… 所以四日之後佢打電話黎恭喜我，其實我係有d意外… 不過最大感覺係「放心」，因為去面試好麻煩 (識我既、知我平時既”打扮”既，都明白會係幾咁麻煩我)，又山長水遠，又要唔俾遲到(XD)… 依家一次搞掂實在係放心左… 而且… 爸媽都仲有丁點期望既，我諗。

咁我既暑假已經毫無疑問俾哂呢份工喇…